پاڪستاني اداڪارا ڪنزا هاشمي شڪوو ڪيو آهي ته کيس سندس اصل قدر ۽ قابليت موجب ساراهيو نه ويو آهي
تازو ئي اداڪارا هڪ انٽرويو ۾ پنهنجي مختلف منصوبن سميت اداڪاري بابت تفصيلي ڳالهه ٻولهه ڪئي.
ميزبان جي هڪ سوال جي جواب ۾ ڪنزا هاشمي چيو ته هوءَ پاڻ کي انڊر ريٽيڊ محسوس ڪري ٿي.
سندس چوڻ هو ته مون کي لڳي ٿو ته مون کي منهنجي اصل قدر ۽ قابليت موجب نه ساراهيو ويو، مان هميشه مختلف ڪردار چونڊيندي آهيان. ڊرامي دل آويز ۾ مون ٻه مختلف ڪردار ادا ڪيا ۽ ٻنهي ۾ بلڪل مختلف انداز سان اداڪاري ڪئي.
اداڪارا وڌيڪ چيو ته مون تمام گهڻو ڪم ڪيو آهي، پر هاڻي منهنجو خيال آهي ته جيڪڏهن ڪنهن جو هڪ ڊرامو هِٽ ٿي وڃي ته ٻيو ڊرامو به هِٽ ٿيڻ ضروري آهي، تڏهن ئي کيس اسٽار چيو ويندو، نه ته ماڻهو پهرين ڪامياب ڊرامي جو به ڪريڊٽ کسي وٺندا آهن.
