پاڪستان ڪرڪيٽ بورڊ (پي سي بي) سينٽرل ڪانٽريڪٽ سسٽم ۾ اهم تبديليون ڪندي نئين ڪيٽيگريز جو اعلان ڪيو آهي، جنهن تحت رانديگرن کي هاڻي نئين ٽريڪس جي بنياد تي ورهايو ويندو.
نئين پاليسي مطابق ٽريڪ اي ۾ ريڊ بال (ٽيسٽ ڪرڪيٽ) جا اسپيشلسٽ رانديگر شامل هوندا، جڏهن ته ٽريڪ بي ۽ سي ۾ ون ڊي ۽ ٽي ٽوئنٽي فارميٽ جا رانديگر رکيا ويندا. پي سي بي موجب هي قدم مختلف فارميٽس ۾ ڪارڪردگي کي وڌيڪ بهتر انداز ۾ مڃتا ڏيڻ لاءِ کنيو ويو آهي.
ٽريڪ سي ۾ صرف ٽي ٽوئنٽي اسپيشلسٽ ڪرڪيٽرز شامل ڪيا ويندا، جڏهن ته ٽريڪ ڊي ۾ ڊولپمينٽ، اڪيڊمي ۽ اڀرندڙ نوجوان رانديگر شامل هوندا. پي سي بي جو چوڻ آهي ته نئون سسٽم رانديگرن جي ڪارڪردگي، مهارت ۽ فارميٽ اسپيشلائيزيشن کي وڌيڪ شفاف انداز ۾ سڃاڻڻ ۾ مدد ڏيندو.
