وچ اوڀر ۾ ترڪيه ۽ اسرائيل وچ ۾ وڌندڙ ڇڪتاڻ هاڻي هڪ نئين وڏي علائقائي مقابلي جي صورت اختيار ڪندي نظر اچي رهي آهي.
برطانوي جريدي اڪانومسٽ موجب اسرائيل کي شام ۾ ترڪيه جي وڌندڙ موجودگي ۽ مصر، پاڪستان ۽ سعودي عرب سان دفاعي لاڳاپن تي ڳڻتي آهي، جنهن سبب ٻنهي ملڪن وچ ۾ ڇڪتاڻ ۾ واڌ اچي رهي آهي.
رپورٽ موجب اسرائيل پاران آرمينيائي نسل ڪشي کي تسليم ڪرڻ به ڇڪتاڻ وڌڻ جو هڪ سبب بڻيو آهي، جڏهن ته اسرائيلي سياستدان ترڪيه جو نالو ايران سان گڏ وٺڻ لڳا آهن.
رپورٽ ۾ چيو ويو آهي ته آمريڪا طرفان ترڪيه کي ايف-35 جهازن جي وڪري بابت صدر ٽرمپ جي امڪاني فيصلي پڻ اسرائيل جون ڳڻتيون وڌيڪ وڌائي ڇڏيون آهن.
اڪانومسٽ موجب وچ اوڀر ۾ ترڪيه ۽ اسرائيل هاڻي هڪ ٻئي کي سڌو سنئون سلامتي لاءِ خطرو سمجهڻ لڳا آهن، جنهن سبب علائقي ۾ نئين محاذ آرائي جا امڪان وڌي رهيا آهن.
