اسلام آباد: ڏکڻ ايشيا جي پرڏيهي قرضن جي بار هيٺ دبيل اٺن ملڪن ۾ ڀارت پهرين ۽ پاڪستان ٻئي نمبر تي اچي ويو آهي.
2026ع جي رپورٽ موجب ڀارت تي ڪل 765 ارب ڊالر جو پرڏيهي قرض آهي، جڏهن ته هر ڀارتي شهري سراسري طور 535 ڊالر جو مقروض آهي. پاڪستان جو ڪل پرڏيهي قرض 138 ارب ڊالر آهي ۽ هر پاڪستاني شهري تي سراسري 530 ڊالر قرض آهي.
رپورٽ مطابق بنگلاديش 102 ارب ڊالر جي پرڏيهي قرض سان ٽئين نمبر تي آهي، جتي في شهري قرض 590 ڊالر آهي. سريلنڪا جو ڪل پرڏيهي قرض 57 ارب ڊالر آهي ۽ هر شهري تي سراسري 2590 ڊالر قرض آهي.
نيپال 11 ارب ڊالر جي پرڏيهي قرض سان پنجين نمبر تي آهي، جتي في شهري قرض 370 ڊالر آهي.
ڀوٽان جو ڪل پرڏيهي قرض 3.5 ارب ڊالر آهي ۽ هر شهري تي سراسري 4400 ڊالر قرض آهي، جڏهن ته مالديپ جو ڪل قرض 4 ارب ڊالر آهي ۽ هر شهري 7500 ڊالر جو مقروض آهي. افغانستان جو پرڏيهي قرض 2.5 ارب ڊالر آهي، جتي هر افغان شهري تي سراسري 60 ڊالر قرض آهي.
