متحده عرب امارات (يو اي اي) پنهنجي پهرين مسافر ٽرين سروس جو باضابطه آغاز ڪري ڇڏيو آهي، جنهن سان ملڪ جي مختلف امارتن کي جديد ريلوي نيٽ ورڪ ذريعي پاڻ ۾ جوڙيو پيو وڃي.

ابوظهبي ۾ ولي عهد شيخ خالد بن محمد بن زايد النهيان محمد بن زايد سٽي مسافر ريلوي اسٽيشن جو افتتاح ڪيو. اختيارين موجب مسافرن لاءِ ابوظهبي ۽ فجيره جي وچ ۾ ٽرين سروس 30 جون کان شروع ڪئي ويندي، جنهن جو سفر صرف 1 ڪلاڪ 45 منٽ ۾ مڪمل ٿيندو.

هن روٽ تي ٽڪيٽ جي قيمت 55 درهم کان شروع ٿيندي، جڏهن ته پريميئم ڪلاس جو ڀاڙو 120 درهم مقرر ڪيو ويو آهي. منصوبي تحت ايندڙ سالن ۾ دبئي، شارجہ ۽ ٻين علائقن تائين به ريل نيٽ ورڪ وڌايو ويندو.

حڪومتي بيان موجب هي منصوبو ملڪ ۾ سفر کي آسان بڻائڻ، واپار کي وڌائڻ ۽ سياحت کي هٿي ڏيڻ ۾ اهم ڪردار ادا ڪندو.